زى ما اتكلمنا عن الرسوب الرمى كنوع من التغيرات للجثه بعد الوفاه هنتكلم انهارده عن التيبس الرمى من حيث مفهومه والعوامل اللى بتساعد على ظهوره وكمان اهميته من ناحيه الطب الشرعى
اولاً: مفهوم التيبس الرمى : هو التغير الرمى المتدرج الذى يظهر على شكل تقلص عضلات الجسم الاراديه واللاراديه نتيجه تغيرات كيميائية فى العضلات بعد الوفاه
التيبس الرمى بيبدأ بعد ساعتين من الوفاة وبيبدأ ظهوره فى العضلات الصغيرة زى الوجه وجفون العين والفك السفلى والرقبه ثم يمتد للاسفل فى الصدر والذراعين ثم البطن والاطراف السفليه وبيكتمل التيبس الرمى بعد ١٢ ساعه وبعد كدا بيبدأ بالزوال بنفس الترتيب اللى بدأ بيه وبيحل محله حاجه تانيه اسمها الارتخاء
ثانياً: العوامل المؤثره فى ظهور التيبس الرمى .
فى نوعين من العوامل بتأثر فى ظهور التيبس الرمى عوامل خاصه بالجثه اى الشخص نفسه قبل وفاته وفى عوامل اخرى خاصه بالظروف المحيطه بالجثه
أ- العوامل الخاصه بالشخص قبل وفاته
١- السن : فى الاطفال والشيوخ التيبس بيكون سريع بخلاف الشباب
٢- حاله العضلات وقت الوفاه : اذا كان الجسم فى حاله نشاط عضلى او اجهاد عضلى
ب- عوامل خاصه بالظروف المحيطه بالجثه : اذا كانت درجة الحراره المحيطه بالجثه عاليه فإن التيبس الرمى يحدث سريعاً
ثالثاً والاهم : الاهميه الطبيه الشرعيه للتيبس الرمى بنستفاد منه ايه ؟؟
١- هو علامه اكيده على الوفاة
٢- تحديد وقت الوفاة لان احنا قلنا هو بيبدأ بعد ساعتين وبيكون كامل بعد ١٢ ساعه ثم يبدأ بالزوال
٣- يمكن معرفه سبب الوفاة : اذا كانت هناك تشنجات قبل الوفاه فالتيبس الرمى بيبدأ بسرعه اكبر مثل تسمم بحجات معينه زى الاستركنين
٤ – يمكن معرفه وضع الجثه قبل الوفاة لان التيبس الرمى بيثبت الجثة فى الوضع الذى كانت عليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كما يقدم مكتب العالميه جميع الخدمات القانونية الأخرى والاستشارات القانونية للأخوة العرب المقيمون بالخارج أو المقيمون بجميع محافظات مصر وكذلك للمصريين فى جميع أنحاء الجمهورية وخارج مصر .
( مستشار قانونى لدى السفارات والقنصليات الأجنبية فى مصر )
مجموعة مكاتب المستشار القانونى
أ / هيام جمعه سالم
للتواصل
01061680444
01111135275
العنوان – القاهره – 10 ج ميدان ابن سندر – منشية البكرى
مواعيد العمل – 10 صباحا الى 10 مساء
للاستشارات يرجى حجز موعد
Originally posted 2019-08-20 15:49:15.
